61歲李中寧暴脹腦退化
曾於80年代備受無綫力捧的李中寧，90年代豁出去拍攝三級片，昔日的光輝退去後，如今年屆61歲的他現時在北角一幢商業大廈任職保安，只見他面上一撻撻白蝕，身形更是脹爆幾個碼。現時每日工作12個鐘的他，直認腦退化：「依家記唔到嘢！」
影星葉童的同父異母兄長李中寧於80年代獲無綫力捧，曾拍攝不少入屋電視劇，及至90年代三級片盛行，李中寧亦加入露肉拍情慾片行列，當年一脫而紅，與不少肉彈拍過叫座電影，於演藝圈發展不錯的他早年移居英國，至近年悄悄回歸，如今年屆61歲的李中寧身形暴脹幾個碼，於北角一幢商業大廈做保安，每日工作12小時。
與妹妹葉童冇聯絡
記者於上址訪問李中寧，穿上反光衣的他於停車場出口行來行去忙個不停地指揮車輛進出，相當賣力，間中又熱情地揮手跟相熟街坊打招呼，其後記者上前訪問，李中寧耍手擰頭表示接受訪問會被公司詐型，更說：「老闆鬧喇！我都要收工啦！」現場所見，過往青靚白淨的他，年輕時患有白蝕，如今白斑更加明顯，遍布面部和手部，問到是否患病？他說：「唔知呀！淨係依家記唔到嘢，醫生話我有啲腦退化。」李中寧其後友善地回應幾句，問到有否和葉童聯絡，他說：「冇呀！（會唔會復出呀？）唔會啦！我離開咗廿幾年。」據知他現時仍然單身，經常獨來獨往。至於葉童方面，記者致電她，一直未有回覆。
邵仲衡想約傾偈
與李中寧於1987年一同參加「銀河十星接力賽」入行的邵仲衡，直指與對方已有多年未有碰面：「對上一次見已經係N年前。（佢去咗做保安？）呢啲嘢好難講，每個人都有唔同際遇，我自己都離開過廿年。（佢話自己有腦退化，擔唔擔心佢？）當然會，但人人都會老，只可以祝福佢，希望佢做樣樣嘢都可以開心。」又指自己正「八緊」對方的工作地點，有機會會約他傾偈。
文、攝：追蹤組