趙璧瑜拜服方中信氣場
畢業於第26期無綫藝員訓練班的趙璧瑜（Osanna），加入無綫4年拍過十多部劇集，雖然戲份不多，但勝在大把機會與好戲之人合作，繼視后級楊怡、田蕊妮及胡定欣，亦有影帝方中信及金像獎「最佳男配角」廖啟智等合作，令其演技方面得益不少。
一直視楊怡為奮鬥對象的Osanna，指對方並非選美出身，是由藝訓班作起步，一步一步攀上視后位置：「我覺得佢好靚，之前重播劇集《宮心計》，佢嘅眼神真係奸到出汗，睇到我都好憎佢，但喺其他劇度，阿怡形象又好正面，所以佢真係好叻，好想有朝一日可以同佢合作。阿田同定欣合作過兩次，喺廠度睇到佢哋火花好勁，好有默契，同埋臨場執生好叻，真係學到嘢。」
而早前於劇集《律政強人》演律師的Osanna，與方中信有同場戲份，不諱言對方氣場很勁，未埋位已融入角色，至於廖啟智，她表示當年加入無綫前，與對方曾於電影《算把啦，老竇》合作，今次再度碰頭，她感到相當有緣，故當然不放過從中偷師的機會。
趙璧瑜Profile
英文名：Osanna
出生日期：1989年7月4日
參演作品：《來自喵喵星的妳》、《鬼同你OT》、《老表》系列、《On Call 36小時Ⅱ》、《愛．回家》等。