簡采恩靠秋生教精口窒窒學上位

現年27歲的有線娛樂主播簡采恩（Joyee）經常以性感造型亮相節目，曾參演劇集扮妓女，媚態盡現，成為有線每年夏天拍水着宣傳片的台柱。Joyee樣貌有幾分似傅穎，擁32B上圍的她坦言羨慕別人身材豐滿，希望自己可以升至C或D Cup，卻不敢進行隆胸手術，她說：「我崇尚天然，依家都夠用，做運動不知幾輕鬆，有需要咪加多兩個Pad！（畀人叫『姣版傅穎』，介唔介意？）點會呢！本身畀人感覺麻甩，咁形容即係我有女人味，昇華去另一層次啦！之前去睇郭富城演唱會，真係有人叫我做傅穎！」她透露早前拍攝節目時再度性感上陣，期間更要挑逗對手，絕對是演技大考驗！

做足功課先上陣

Joyee當初膽粗粗入行做主播，心情戰戰兢兢，坦言採訪影帝黃秋生感受最深：「嗰次係秋生哥出席活動支持某個藝人出書，訪問時我問佢係咪嚟撐場，點知佢話『撐咩啫！嚟支持咪支持囉！』我即刻驚咗，之後見到佢就好驚，但唔知點解公司又咁啱每次都叫我採訪佢！有次我喺金像獎紅地氈訪問佢問電影嘢，佢話『我退休啦！你唔知咩？』我當時都唔識答佢，佢再話『你驚呀？你窒晒！』後來諗番佢都叫做訓練我，亦係秋生哥令我知道做一個成功主播要做足功課，唔係去到先諗有咩問，所以都要多謝佢！」

簡采恩	簡采恩不時以性感造型亮相，毫不吝嗇身材！

父母幫手搵筍盤

Joyee事業準備起飛，感情方面卻「交白卷」，她表示入行後工作繁忙，讀大學時曾結識一位男友，後來卻因工作範疇不同，不獲對方體諒導致分手收場。她其後有一個圈外男友，可惜同樣未能開花結果，今次戀情更是她傷得最痛的一次，她說：「最傷嘅唔係有第三者，而係大家相愛但唔能夠喺埋一齊，所以我難放低，我依家都冇聯絡個男仔。」她指在圈中難以結識對象，曾考慮參加相睇結識異性，而父母亦有為她留意筍盤。

Profile

姓名：簡采恩（Joyee）

出生日期：1988年11月9日（27歲）

三圍：32B、24、35

代表作：娛樂新聞、樂壇第一手、寵物ER、正義同盟等

【https://goo.gl/Pe3dN2】

文：影視組