八代美奈畝最愛四圍彈

女仔除咗肉地要夠彈性,對住男友亦一樣要有足夠彈性,能夠睇得開、多包容,咁至可以維持長久關係。此外,女仔仲要學識四圍彈,多見識一下世面,咁至可以同男伴有話題嘛!喺呢方面,輕熟美人八代美奈畝就做到足喇,佢成日都四圍彈,去到唔同彈珠機店做宣傳呀!

艷壓群芳

日本有好多彈珠機店,門口閃爍嘅燈光相當吸引大家嘅目光。除咗大城市之外,喺唔少較偏遠嘅地區一樣可以發現彈珠機店,可見日本人真係幾鍾意呢個玩意!下次小弟去日本一定會去觀摩一番,因為分分鐘會撞到一位艷壓群芳嘅寫真美人,佢就係八代美奈畝喇!

今年31歲嘅美奈畝擁有一副正統派面孔,標致得嚟氣質脫俗出塵,出淤污泥而不染,日本寫真界雖然美人成群,但係能夠同美奈畝相比嘅實在少之又少!身材方面,美奈畝一樣咁出類拔萃,身高5呎5吋,上圍雖然唔屬於巨乳行列,但係身材曲線玲瓏,而且肉地結實緊緻,肌膚光滑細緻,體態美比起好多巨乳妹更吸引,渾身都散發出誘人光芒。

彈珠掌門人

八代美奈畝喺2005年,即係佢20歲嘅時候投身模特兒界及寫真界,被稱為擁有迷人嘅「笑顏與鎖骨」,之後佢參加「Miss Marine Blue」成功奪得冠軍,名氣更上一層樓,自此之後佢嘅工作就係四出去到跟選美主辦單位相關嘅彈珠機店做宣傳,直至今時今日,呢份宣傳工作仍然未停過,所以喺日本國內不同嘅彈珠機店都有機會見到美奈畝嘅身影。

而講到美奈畝嘅事業高峰期,就係喺2007年佢獲邀拍電影,仲做埋女主角,而呢部電影就係《機關槍少女》,其演出更備受賞識,之後佢亦參演過唔少電影,例如《幪面超人W FOREVER A to Z》以及《婚活支援者Girls!》等。另外,美奈畝亦有參演電視劇,而最近參演嘅劇集有《警視廳搜查一課9係》。

社交網站

簡介:八代美奈畝每次去彈珠機店做宣傳,都會將相關照片上載到Twitter同大家分享,想知道最近美奈畝去過邊間彈珠機店,就要Click入去睇喇。

網址:https://twitter.com/minaasy

八代美奈畝Profile

年齡:31歲

身高:5呎5吋

三圍:34-24-34

撰文:賢