與球星碧咸（David Beckham）育有3子1女的碧咸嫂Victoria受訪時談到湊仔女經，表示自己再忙都會親手湊仔女：「我冇社交生活，4個仔女同David就係我嘅第一位，如果（仔女）有演出或者有家長會，我就會喺度。」她又自言不會與碧咸雙雙出門，兩人會親身照顧仔女做功課、沖涼及瞓覺，更會送愛女夏柏舒芬（Harper Seven）返學兼在校門前跟她講拜拜，不會假手於人：「畀錢請人代勞做呢啲事令自己輕鬆啲都冇錯，不過佢哋對我好重要。」