廖碧兒闖法國拓紅酒版圖睇中千萬莊園
近年醉心紅酒事業的廖碧兒，繼多年前買地種葡萄後，最近再下一城，計劃於法國買下近千萬港幣的酒莊，又修讀內地紅酒業市場管理，誓要在紅酒界闖一番成就！
藝人廖碧兒及琦琦，昨日出席山頂舉行的「2016乳健同行」活動。剛從法國返港的碧兒，透露此行主要觀察用作釀酒的紅葡萄收成狀況，由於行程緊密，僅於當地逗留三天，故現時尚未適應時差。
已有8、9年釀酒經驗的她，早前漏口風欲買下酒莊，期間更多次到法國參觀不同莊園，但卻未合心水，直至最近終在當地物色到一個價值近千萬港幣的酒莊，並以該處為奮鬥目標，她謂：「就算買咗個酒莊之後都要裝修同重新造地，所以要努力工作，儲好多錢先得。（快啲搵個男友啦！）咁要公司畀我休息一陣先得，呢兩年都未停過，不過主要係拍劇唔係拍拖囉！」
內地市場有前途
除酒莊外，已有品酒師牌的她看好內地市場：「近年中國喺紅酒界愈來愈有地位，我依家都讀緊呢方面嘅市場管理。（淨釀酒唔拍戲？）都係以拍戲為主，會用啲片酬放去釀酒，呢個係自己興趣。自己都儲落唔少靚酒，靚年份、自己年份、家姐同佢小朋友年份都有，依家都係儲兩代嘅酒，但啲酒都夠我飲一世。」
文：影視組