林欣彤演《老表3》王祖藍：用人唯親

歌手林欣彤（Mag）昨日穿黑色貼身裙出席新歌《懸崖花》MV首播會，MV是她簽約王祖藍旗下的首個作品：「今次以半獨立歌手出歌，希望創出新景象 。」而MV請來許廷鏗做男主角，最親熱鏡頭是被他吻頭及鼻貼鼻。問為何沒咀嘴？Mag笑說：「我哋太熟呀，好尷尬。（攞佢螢幕初吻？）冇興趣，呢樣嘢咁珍貴，畀佢留番啦！」
林欣彤新歌MV親熱鏡頭點到即止。
林欣彤新歌MV親熱鏡頭點到即止。

王祖藍專程撐場更反叫Mag做「老闆」，笑言： 「佢話要搵許廷鏗，我就搵，佢話要邊個寫（歌）就邊個寫。」Mag稱稍後將會拍劇，問是否拍《老表3》？祖藍坦言：「係呀，我『用人唯親』，不過唔係自己提議，係編劇想搵Mag做呢個角色， 我其實擔心畀人話『用人唯親』就真。」談到Angelababy宣布有喜，祖藍稱已在微博留言恭賀。

王祖藍搞笑反叫林欣彤做老闆。
  • 王祖藍搞笑反叫林欣彤做老闆。