陳嘉桓拍打戲就住塊面

藝人陳嘉桓、郭思琳、葉芷如、國藝電影公司老闆冼國林等前晚出席「第四屆世界詠春大賽頒獎典禮」，洪天明大仔洪大仁即場耍BB拳助慶。陳嘉桓說：「我雖然有拍打戲，但要Keep住個面口，有真人騷問過我。」她表示想叫師傅冼國林搞明星賽，又點名想與曾奪格鬥賽冠軍的唐紫睿比賽：「我哋都高，師傅講過高嘅人打功夫好蝕底，所以想同佢比試。」郭思琳表示着長褲遮之前比賽的瘀傷，並說：「將來有機會想參加巴西柔術，等人知我拳腳、地戰都得！（太好打嚇怕男士？）唔會，依家留意啲識柔術嘅男仔。（鎖定咗目標？）有。」冼國林則說：「今屆搵場地困難，政府支持唔夠，但出年會繼續搞，因為可以發掘好多有潛質嘅新人。」