羅仲謙瞞楊怡 咀女啜啜聲
新婚燕爾的藝人羅仲謙，月初剛與楊怡完婚，正享受新婚假期的他，月前與內地演員朱銳為網劇《無間道》拍完一場親密咀戲，謙仔表現專業，投入拍攝咀到啜啜聲，更坦言事前冇向老婆備案：「阿怡都係演員好明白！」
月初與楊怡完婚的藝人羅仲謙，雖已抱得美人歸，但謙仔在影視圈一直艷福無邊。月前為網劇《無間道》與內地演員朱銳拍親嘴戲外，其實之前所參演的劇集，都曾與不少女演員有親吻鏡頭。如早年拍無綫劇《搜下留情》和《On Call 36小時》，幾乎與黃智雯咀出「愛火」，而後期亦在《衝線》中與蔡思貝咀出不少緋聞，但定力十足的謙仔，最後都情定楊怡，即使今次在婚前與朱銳於《無》劇中上演親嘴戲，亦表現淡定，事前更沒有向老婆楊怡備案。謙仔昨日受訪說：「阿怡都係呢行，呢啲佢好明白，唔使講！（呷醋？）唔怕，佢對我有信心！」《無》劇煞科宴在謙仔婚宴前夕，他無奈未能出席。
熟落有默契
以男性戲份做主導的《無》劇，談情戲其實不多，主要是羅嘉良向廖碧兒的求婚咀戲，以及今次羅仲謙和朱銳的談情戲，但要數感情線較重則是謙仔跟朱銳這一對，故這場談情戲謙仔亦很重視。
幸得導演悉心安排，開拍一個月才與朱銳拍咀戲會更易投入，謙仔稱：「同朱銳熟咗，所以有默契！（事前準備？）好彩拍時唔太熱，唔使身水身汗，要準備嘅都係一般刷牙、潄口同o趙香口膠！（拍咗幾多Take？）幾個啦！導演想攞多幾個角度。」
文：影視組