朱潔儀唔信選美有黑幕

前港姐朱潔儀（Donna）前日與馬德鐘出席火鍋店大紅袍分店開幕活動，她笑言自己腳頭好，經常被邀任剪綵嘉賓，最擅長煮鮑參翅肚：「有朋友叫過我合股搞餐廳，先知做飲食唔止要食物好，仲要識計數同人事管理，太多學問，都係做食客簡單啲！」
朱潔儀、馬德鐘與火鍋店老闆娘合照。
朱潔儀、馬德鐘與火鍋店老闆娘合照。

對於同屆港姐季軍梁佩瑚大爆選美黑幕，指冠軍陳法蓉偷步影相還爆喊扮委屈，問到二人是否不和？Donna說：「我係亞軍夾喺佢哋中間，由頭到尾唔覺得佢哋特別啱傾，總之就一定唔算老友。（你有冇發現乜嘢黑幕？）臨決賽前有幾位佳麗打畀我，話三甲已經內定，叫我退選唔好嘥時間，我梗係唔信啦！」

朱潔儀原來最叻煮鮑參翅肚。
  • 朱潔儀原來最叻煮鮑參翅肚。