張嘉兒誕6磅大眼B女
前港姐張嘉兒於前日下午誕下B女，重六磅，跟媽媽一樣是大眼美人，由於嘉兒選擇自然分娩，故昨日已經可以落地，更順利餵母乳，十分開心。不過嘉兒坦言生產前後均痛到嘔，老公之後會與她坐郵輪旅行作獎勵。
港姐界又多一個喜訊，前港姐張嘉兒於前日下午在港自然分娩誕下女兒，BB女重六磅，已改英文名Leora，嘉兒接受本報訪問時坦言很開心，老公Nathan更有陪伴入產房並剪臍帶。BB女樣子精緻，輪廓都相當清楚，眼線很長，相信跟媽媽一樣是個大眼美人。
成功餵哺母乳
問到BB女似她還是老公Nathan？嘉兒說：「一半一半啦！因為屋企人話似我，有啲朋友就話似我先生，我今日已經可以落地行，不過就要慢慢行，因為我自己餵母乳，所以餵完行路時會有啲頭暈，但係今日餵母乳時都好成功，所以都好開心！」她又坦言生B過程很痛，起碼痛了十二小時才成功產女，不過生產過程相當順利，嘉兒說：「其實比我想像中痛，真係痛到嘔咗出嚟，生之前又痛到嘔，生完之後都有嘔，但都好滿足、好開心。」
郵輪旅行獎勵
嘉兒表示老公Nathan當然心痛她生得辛苦，應承明年一起坐郵輪旅行，問到老公有否開心到喊？嘉兒說：「咁又冇，不過BB出世時，我哋都眼望眼，感覺就係we did it、we made it一樣。」
文：影視組