潘紹聰玩靈探直擊鬼仔上身
東網電視節目《娛樂onShow》今集同你講鬼！請來嘉賓「鬼王」潘紹聰、張栢芝媽媽戴莎妮、歌手李建龍及趙浩鸞分享拍攝靈異電影的故事。潘紹聰透露新片受一名多次墮胎的母親所啟發，希望有警世作用，戲中還用靈探機直擊鬼仔上身過程！
今集東網電視的《娛樂onShow》主持人陳振安邀得「鬼王」潘紹聰、「栢芝媽」戴莎妮、歌手李建龍與趙浩鸞，大談拍攝電影《魕異》的苦與樂。今次是電影《魕》的第二集，問到兩集有何分別？潘紹聰說：「上集係較多獨立個案，大家可能覺得比較亂，所以今次決定搵個中心主題，講嬰靈呢個主題。」
真人真事啟發警世
趙浩鸞解釋為何拍攝這個主題，全因接到一位母親的求助，與監製及導演商量後決定開拍，潘紹聰說：「嗰位內地媽媽有個女唔好彩畀人搞大個肚好多次，係唔同嘅人，真係好不幸，後來個女仔接受唔到割脈自殺。我其實覺得呢個故事有警世作用，同埋我每年做節目，最多接觸就係嬰靈嘅個案。」
栢芝媽瞞仔女下海
現今要捉「小精靈」只需用電話，但若然要去靈探的話便需要用到靈探機，潘紹聰亦將靈探機帶到電影當中，指拍攝時曾有反應，趙浩鸞說：「有個太太落咗BB，之後自己養番（鬼仔），咁當時咁啱部機喺度，提議個太太嘗試叫個小朋友上身，佢唸經嗰陣突然好似BB仔叫咁，部機就響喇！」而戴莎妮今次處女下海拍電影，原來事前仔女全不知情，想知她如何瞞天過海？想知她為何會拍電影？快啲入《東網》睇實《娛樂onShow》啦！
文：專案組