城城連環冧方媛永遠愛不完

天王郭富城15場《郭富城舞林密碼世界巡迴演唱會2016香港站》前晚圓滿結束，吸引周柏豪、JW、何超蓮及李施嬅等捧場，女友方媛亦以性感透視裝由後台現身支持男友。在智能舞台上勁歌熱舞的城城，雖要兼顧高難度演出，但仍不忘向女友示愛，當唱到《永遠愛不完》時，他走到女友座位方向深情獻唱，台下的方媛冧到暈，還舉機拍照！

哽咽呻壓力大

其後城城落台握手，去到方媛座位附近時，方媛即起身打氣，可惜城城只顧跟歌迷互動，似乎看不到女友。接着城城換上貼身紋身衫大騷健身成果，並搞笑地說：「着住紋身衫行埋嚟講I Love You，有甚麼感覺？你唔講I Love You我都一樣咁愛你！」到個唱尾聲，他有感而發表示今年入行25周年很值得紀念，更一度哽咽說：「人生有幾多個25年？今次演唱會係我做歌手以來最大壓力嘅一次，下個25年可能好遠，但我承諾未來10年我會好努力！」

慶功宴上，城城大歎麻辣火鍋，又表示很高興演唱會能做到世界級，坦言很感激女友前來看了8場：「好多謝佢飛嚟香港，放低手頭上嘅工作嚟支持我。（會唔會見面？）我要工作，佢都要返上海。佢都好感動，唔想騷擾我，佢係一個好善解人意嘅人。」

愈睇愈High的方媛，舉起吹氣棒狂揈。	城城公開示愛，方媛即時冧爆！	方媛以透視裝睇騷支持男友。

開心女友獲支持

問到女友有否給予意見？他冧爆地說：「佢覺得我要食番多啲嘢，不過我哋冇見面，連喺後台都冇。」記者讚方媛乖，城城即說：「佢係乖嘅。（今晚好多人同佢集郵。）係咩！希望大家都能夠接受我身邊嘅朋友。」

城城與經理人小美慶祝個唱圓滿結束。

為個唱忍口多時的城城，終可歎最愛的火鍋。

而城城昨晚出席另一活動時表示女友還未返上海，但因有工作而未能見面，問到中秋可會帶對方見家長？他說：「唔講太多喇！大家嘅關心收到o架喇！」並坦言人愈大就愈想穩定。

文：音樂組　

攝：黎志輝