(2)麥凱程被撩濕吻鄭裕玲

十位候選香港先生於電視城為今晚舉行的《2016香港先生選舉》綵排，今年港男選舉中會率先誕生四強，繼而於翌日的港姐決賽中與佳麗齊齊競逐三甲之位。將擔任司儀的鄭裕玲適逢59歲牛一，拍檔農夫送上蛋糕慶生，更與港男一齊嘟嘴獻吻。當中C君更叫「紋身法國男」(2)麥凱程向鄭裕玲送上法式濕吻，相當搞笑！

自詡咀功高超

Alex笑言不敢向對方獻吻，但自言曾被女生盛讚吻技高超：「我唔敢，尊重嘟姐。（你擅長濕吻？）觀點與角度。（有女仔讚你錫得好？）都有嘅。」談到Alex日前表示對港姐(2)劉穎鏇感心動，惟身形高挑的女方卻表示穿上高跟鞋後不想站於他身旁，Alex說：「冇問題，過往歐洲女仔都高啲，我唔會好尷尬。」

麥凱程大字形出場，想碌去邊呢？	農夫左右吻賀鄭裕玲，一眾港男唔敢錫埋一份！	胡(非玉)與其他港男齊齊綵排，各有各Chok！

鄭裕玲透露生日願望是身健康及日日開心，更希望主持的港姐及港男能順利進行。問到會否擔心農夫屆時「多嘴」？她笑言要二人聽話：「佢哋唔敢嘅！仲打嚟問我有咩要注意，要注意嘅就係聽我話。」

胡(非玉)獲爸爸打氣

至於(5)胡(非玉)被問到決賽前夕的心情，他直言心情OK，又透露哥哥羅天宇叫他不必緊張，最緊要做好自己，又稱爸爸胡越山會在電視前支持。而Model出身的(4)黎振燁被問到見慣大場面會否更有信心？他笑言感到輕鬆，又稱會落力晒舞技。