下周意大利行禮戚黛黛提早「接新娘」

前港姐戚黛黛下周二在意大利古堡正式下嫁機師男友Calvin,昨日趁出發前舉行接新娘儀式,黛黛的好姊妹曹敏莉、李施嬅和朱凱婷等到場「玩新郎」。眾姊妹叫完新郎和兄弟團做掌上壓和蒙眼傳Cupcake後,叫Calvin讀愛的宣言,但因他中文麻麻,讀得「甩甩咳咳」。黛黛指全程氣氛開心:「佢唔識中文,寫咗啲拼音畀佢,都唔知佢講緊乜,可能佢都唔知。(行禮會唔會爆喊?)驚讀感謝說話時會喊,溶咗個妝就唔靚。(屋企人催生B?)親朋戚友都催!」

與黛黛同於2003年選港姐的曹敏莉表示,感動得恍如自己嫁女,但因佗B未能赴意國觀禮:「我佗B仲嘔緊!」至於李施嬅指接新娘時搞笑多過感動:「啲兄弟好好,叫佢哋做乜都好肯做。」