下周意大利行禮戚黛黛提早「接新娘」

前港姐戚黛黛下周二在意大利古堡正式下嫁機師男友Calvin，昨日趁出發前舉行接新娘儀式，黛黛的好姊妹曹敏莉、李施嬅和朱凱婷等到場「玩新郎」。眾姊妹叫完新郎和兄弟團做掌上壓和蒙眼傳Cupcake後，叫Calvin讀愛的宣言，但因他中文麻麻，讀得「甩甩咳咳」。黛黛指全程氣氛開心：「佢唔識中文，寫咗啲拼音畀佢，都唔知佢講緊乜，可能佢都唔知。（行禮會唔會爆喊？）驚讀感謝說話時會喊，溶咗個妝就唔靚。（屋企人催生B？）親朋戚友都催！」