陳庭欣何傲兒收大疊「紅衫魚」

藝人陳庭欣、何傲兒、何佩珉、譚凱琪及唐貝詩等為張名雅擔任姊妹，早上五時許開始準備，個個玩到聲都「拆」埋。眾姊妹於傍晚五時許陪伴一對新人見傳媒，齊齊擺心心甫士晒愛的合照，為免搶新娘鏡，姊妹們只穿普通粉紅色晚裝裙。陳庭欣坦言前一晚瞓得幾個鐘，所以都好攰：「成件事好似台慶咁，又要化妝又要整呢樣嗰樣！」講到玩新郎環節，她說：「幾好玩，因為係班男仔畀我哋玩，搞到把聲少少拆，我應該帶埋依家最興嗰支咪嚟。（張名雅啲金器好勁！）勁刺眼！我冇數過有幾多隻，但一拎起就知好重！」