克勤擺師兄上枱當祖兒女王

天后容祖兒與好友李克勤前晚於澳門威尼斯人舉行《容祖兒李克勤世界巡迴演唱會澳門站》，容媽媽與其同性密友、祖兒男友劉浩龍、克勤父母、老婆盧淑儀及兩個兒子前來捧場，非常齊人！克勤透露其父母均是澳門人，祖兒亦表示容媽媽是澳門人，戲言：「我哋其實都係混血兒！」

為囝囝破慣例

之後祖兒走到台邊問克勤的囝囝想聽甚麼歌？克勤的囝囝即點唱《一生想你》，雖然不在歌單之中，但克勤說：「我個仔點唱，我點都要唱o架啦！」演唱期間，祖兒突然走近師兄的座位前，並與台下密密斟，克勤即說：「你哋講吓先啦！劉浩龍想聽咩歌呀？」隨即自問自答說：「《女皇》？心聲嚟o架？啲歌詞都幾貼切。」又笑言首次看到祖兒在台上與師兄打情罵俏，祖兒即喊冤：「冇囉！亂噏！」

劉浩龍	劉浩龍	雙方另一半望實又點？祖兒和克勤照樣貼身辣舞！

完騷兩人受訪，提到師兄特意來捧場，祖兒笑說：「其實係因為佢近，順便嚟睇吓囉，咁精彩演出點可以唔睇！」至於是否與師兄打情罵俏？她即表示是克勤自行想像的情節，克勤則笑說：「喺台上梗係講呢啲o架啦！為搏大家一笑，不惜任何代價，要擺朋友上枱！」

300萬人睇Live

兩人在演出期間透過微博進行全球直播，克勤表示收到消息指網上有300萬人次觀看，點讚次數更逾千萬：「當然我哋唔係用人次嚟認叻嘅，只係覺得可以將今次嘅嘢分享畀唔同朋友！」近日忙於在內地拍攝真人騷的祖兒表示非常奔波勞碌，克勤指知道祖兒要在節目中扮鵰，欣賞她能放低天后的身段，又笑說：「你盡量做多啲綜藝節目，宣傳我哋演唱會，嚟緊有歐洲國家盃嗰啲，我就盡量同老婆、兩個仔去睇波！」

文：音樂組