Miki結婚方力申避鄧麗欣請都唔到
藝人方力申（Alex）與父親方毓仁昨日出席雕塑作品展覽活動，對於舊愛鄧麗欣的好姊妹楊愛瑾（Miki）快將結婚，問到Alex會否出席？他表示對方有邀請，但若出席的話便是與鄧麗欣於分手後首次公開出席活動，他說：「唔想搶主人家風頭，所以我唔會去，Miki都話佢都明白，同埋唔去又唔代表唔係朋友，總之人唔到禮都到。」提到鄧麗欣將車牌由「SF」換上「ST」，他說：「其實佢都換咗成兩年至三年，好多人都知。」
另外，談到早前到美國欣賞NBA球星高比拜仁的最後一戰，獲身材出眾的內地知名網站體育記者徐溢訪問，他說：「我都望得好斜啦！斜到蒙羅麗莎，個記者又着得咁多，包到上頸。（佢好好身材！）係你哋解構我先知，如果我早啲知等我望清楚，依家怕咩望呀！」問到是否準備投入新戀情？他說：「我未Ready呀！好多朋友都關心我，朋友都話介紹女仔我識。」