夏雨笑囝囝做男主角盞死

資深藝人夏雨、夏雨兒子黃奕晨（Dixon）、趙學而及Babyjohn（蔡瀚億）等前晚出席電影《救殭清道夫》煞科宴，監製夏雨透露下月會再監製鬼片，問會否擔心內地市場？他說：「呢部殭屍唔怕，發行商好有興趣，最重要係過到送檢。」他透露Dixon在片中演黑警，問到兒子有否進步？他笑說：「點都好咗，仲有進步空間。（鬧？）我鬧冇用，留畀人教。（下套戲畀佢戲份多啲？）儲吓經驗先，咁快做男主角盞死得快。」對於ViuTV開台後TVB收視疑受影響，夏雨一臉錯愕似乎不相信，他說：「會唔會呀？不過有競爭係好事。」並表示暫時未有參與ViuTV節目。