無綫小花龔嘉欣（Katy）前日都有份見證「如楠」在公廁外的濕身另類求婚，她笑言期待二人真實結婚一刻。對於將來的求婚憧憬，Katy笑說：「邊度都冇所謂，就算屋企廁所都接受，不過我唔心急嘅，做多幾年姊妹戥人開心先啦！」講到眾演員在街頭上演水戰，Katy笑指張繼聰向來頑皮，因此趁機炮製對方，又表示不擔心着涼：「我同翠如都用保鮮紙打底，又買定熱飲，而且我個角色成日喊，今次難得場戲咁開心，當然要盡情玩。」
