阿Sa鬼咁沙膽收縮水玩馮淬帆

曾志偉監製的新片《GOOD TAKE!》共有五個短篇單元，包括：《水泥》、《囍宴》、《Good Take》、《不一定》和《嚇鬼》，其中搞笑「鬼」單元《嚇鬼》造就蔡卓妍（阿Sa）與馮淬帆、苗僑偉等前輩結片緣。

密謀轉戰幕後

馮淬帆於電影《精裝追女仔》中，因為用「收縮水」沖涼而令全身痙攣「縮埋一舊」，成了片中的經典一幕，阿Sa對該場戲十分難忘，一見到首次合作的馮淬帆就不停說「收縮水」，馮淬帆則貫徹Cool爆性格懶理她，阿Sa笑說：「佢好Cool，好彩冇鬧我！」

阿Sa提起和前輩馮淬帆拍攝的趣事即笑咪咪，呢位後輩真曳曳！	志偉深明新導演冇錢請演員，故擔任監製之餘亦幫手碌人情卡。	《嚇鬼》是盧大偉的遺作。

一向支持新導演的曾志偉指這些導演需要好演員參演以發揮潛能，今次阿Sa亦義不容辭出手相助，問她會否踩過界做導演？阿Sa坦言正逐漸參與幕後製作：「成日都搵阿甫（導演黃精甫），睇吓有冇咩搞作，點知佢好忙，我唔係佢杯茶！（落手拍攝？）冇咁大信心住！」她又透露找了編劇及導演埋班開拍愛情片：「我野心好大o架！」

阿仔導優於演

談到囝囝曾國祥執導拍《水泥》單元，曾志偉即笑言囝囝做導演好過做演員，問有否當面讚他？志偉說：「我讚冇用，觀眾讚先得，唔通『阿仔好嘢、阿仔好嘢』咩？佢都好驚我左右佢，畀啲好商業嘅元素佢，影響咗創作。」此外，盧大偉生前亦有參與《嚇鬼》演出，成為其遺作，志偉表示覺得他很有正能量，故找他演出。

文：影視組

蔡卓妍化妝：Circle Cheung（ndnco.co）

蔡卓妍髮型：Jimmy Chan（hair culture）

曾志偉妝髮：阿雪

場地：Fovea