孖住開餐
宋仲基及宋慧喬昨日完成活動及訪問後，昨晚約六時左右，到中環蘭桂坊意大利私房菜餐廳「G7 Private Dining」醫肚，繼前晚食中菜後，昨晚即享用意大利菜。喬妹率先行入餐廳，而戴cap帽、穿涼鞋短褲現身的宋仲基則隨後趕上，現場吸引近百粉絲及傳媒包圍餐廳，其中有不少身穿校服的粉絲聞風而至。
期間，喬妹在instagram（ig）上載兩張和宋仲基的合照以慰大批在外等候的粉絲，留言指宋仲基因冇ig故上載合照外，兩人更齊齊賣萌擺甫，至晚上約九時五十分，餐廳職員向現場傳媒表示「雙宋」已從後門離去。
今次「雙宋」所選的餐廳位於蘭桂坊己連拿利街，內設VIP房，私隱度極高，其招牌菜是油浸檸檬及羅勒油天使意粉，而餐廳亦堅持選用新鮮食材，人均消費約800港元以上。
