Rosemary回到現實真空開工
名模Rosemary與老公Jason完成蜜月之旅回港，昨日真空露波邊性感現身時裝周，甜蜜溫馨整整一個月的她，笑言終回到現實努力工作。
名模Rosemary、馬詩慧、陳碧舸、藝人朱慧敏等，昨日出席香港貿發局香港時裝節的「衣酷適再生時尚設計總決賽時裝騷」，剛結束一個月蜜月假期的Rosemary昨單拖出席，她說：「去咗泰國同加拿大，喺加拿大滑雪，我哋要坐直升機去到山頂滑落嚟，但我只係beginner，所以唔夠膽冇滑到，但Jason係expert level，佢好叻滑雪，但我嗰陣都好擔心佢返唔到嚟，依家返咗香港，就返回現實啦，（唔捨得？）唔係，可以畀我專心為未來同家庭努力工作，（有冇製造蜜月BB？）冇，唔急，同Jason有協議，生BB責任好大，要從長計議。」而她穿上的連身裙夾位透出波邊，她直言冇得戴bra，真空上陣，笑言曾試過着類似裝束，老公即要做觀音兵陪她出街。
朱慧敏注重環保
藝人朱慧敏表示身上衣服是用工廠廢物循環再造而成，自認注重環保，平日會剪爛牛仔褲變款，買一件衫或一條褲會考慮可否襯到10套衫，及多搭公共交通工具或行路；有指香港或會降雪，她不希望見雪，因代表地球變化嚴重。問到昨日港股大跌700幾點，她表示早前有少許斬獲，現在有1、2隻綁住，會繼續keep住。
馬詩慧安分守己
馬詩慧表示曾於股票市場損手6位數，發現還是安分守己較好，認為現時經濟環境氣候，大家都要守，不會趁價低而買樓給子女：「你估買鞋咩，啱碼就買定幾對，希望佢哋靠自己賺錢，唔通咩都做晒畀佢哋，佢哋un un腳咩，等佢哋自己慢慢嚟。」
文：名人組