爆男友浪漫求婚 陳明恩籌備婚禮有嫁期

昨日陳明恩及前英皇小花何嘉莉出席第47屆「香港時裝節秋冬系列」，早前陳明恩與男友Eddy訂婚，現場她大晒手上的求婚鑽戒，一臉幸福的她表示日前與未婚夫一起接受電台訪問，坦言既緊張又怕醜，收到各方好友祝福的明恩開心地說：「好多人留言恭喜同share訂婚o既報道，多謝大家。（婚禮籌備成點？）今年年尾或明年年頭喺香港舉行，未計幾多圍，我o地想低調o的，想以西式舉行，鍾意室外，平時我o地都鍾意行山同踩單車。」

何嘉莉為仔追BB

問到Eddy如何求婚？明恩(月林)爆的說：「佢叫o左好多朋友拎住卡仔同氣球，我行o左入個公園，裏面有用蠟燭砌成o既『I LOVE YOU』，好浪漫。然後有藝人同dancers朋友排成『MARRY ME』咁。（有冇喊？）有，好感動，佢好有heart，睇得出佢好愛我。（婚後造人？）二人世界享受咗先，小朋友一定想要。」

Eddy、陳明恩	陳明恩大晒鑽戒。	何嘉莉希望生個BB為兒子做伴。

而去年低調下嫁機師男友Gerald的何嘉莉則表示沒有刻意度蜜月，只當旅行出埠，亦不打算後補蜜月之旅，是否第二次結婚所以簡單點？她說：「其實第一次都好低調，一張相都冇影過，但結婚係開心事，既然大家都o黎到就出o黎影相。（會否再造人？）希望囝囝有個伴，佢成日講，大佬唔易o架！（囝囝習慣新家庭？）OK，一向相處都OK。」

設計師Kate Liegey展示為Taylor Swift設計的最新系列。	Kate Liegey	丘雪祺向年輕設計師提意見。

丘雪祺給後輩意見

同場的本地設計師丘雪祺（Cecilia）認為這個時裝節，對新一代年輕設計師是個很好的發展平台。作為前輩的她會給予甚麼意見給後輩？她說：「要有原創，做自己擅長o既設計，例如拿手做動物圖案，搵到自己專長，可以o係呢方面發展。」今次香港時裝節其中一場，是為美國小天后Taylor Swift設計服飾的設計師Kate Liegey展示最新Taylor Swift系列。

文：名人組