風騷小儀玩狗撩老外
藝人阮小儀與金剛早前曾許下新劇收視高穿t-back及比堅尼承諾，如今劇集最高達29點，昨日兩人宣傳時興奮不已，小儀笑指懷疑觀眾欲觀賞她穿t-back才谷收視，另單身的她對於被本報拍到畀老外撩，小儀指當時只是撩狗，現階段的她不渴求男士，但若然有亦不抗拒！
阮小儀、金剛、高海寧（高Ling）等昨日出席新劇《愛情食物鏈》宣傳，期間與在場長者大玩遊戲，沒料小儀於演繹雞蛋時，卻被長者們誤猜為大便，令全場人士爆笑，及後高Ling與謝雪芯則大展歌喉，現場亦宣布該劇最高收視29點。對於收視報捷，小儀表示與劇組向監製徐正康要求開續集，更自言早前曾許下收視達45點會穿T-back承諾，故懷疑觀眾欲看她穿T-back才捧場，問到會否操身形？在旁的金剛謂：「就係original咁先好睇，唔使特別操。」
高Ling美國小休發脹
而本報前晚發現二人於跑馬地拍攝節目後，拉大隊於附近食店醫肚，離開之際，小儀與一名外籍男食客閒聊。昨日小儀對於被老外撩謂：「係我哋撩仔，因為佢拎住隻狗好得意，所以係撩狗先啱。（渴唔渴仔？）唔渴，有就梗係要，冇都唔使特別要。」
至於高Ling就透露早前到美國小休一個月：「報讀咗短期演藝課程，嗰邊都係食burger，呢排又做飲食節目，之前生日又食飯，所以係肥咗，但之後會跑步同做gym！」此外，無綫上周日節目收視亦不俗，外購劇《無心法師》周日大結局平均25點，最高26點，《Sunday好戲王》首播平均25點，最高28點。
文：影視組