葉翠翠疑有孕 照着高跟鞋
藝人葉翠翠昨日以貼身短裙及三吋高跟鞋出席活動，被傳有孕的她腹部未見隆起，但全程春風滿面。問是否可以恭喜她佗B？翠翠即連番否認，但直認已不設防，恨生猴B，她說：「唔係，（未夠三個月唔講得？）未知住，（冇驗孕？）女仔要到下次唔方便先驗到，未到期。」
提到其老公周曉東會否心急想知驗孕結果？翠翠大爆買定驗孕棒作準備：「屋企大把貨！（着高跟鞋？）會換平底鞋同大褸。」她笑言拍無綫節目《姊妹淘》時獲算命師傅教路：「師傅話如果有咗要5個月先講得，日後我唔講得就請大家見諒。」若有孕會否停工？直言工作不多的她狂晒甜蜜，笑言有「助手」老公管接管送，屆時反而是對方隨時停工照顧自己。