秋生忍痛綵排蘇玉華讚專業
藝人蘇玉華與秋生近期為演出舞台劇朝夕相對，她指秋生亦有向她提及兒子炒車一事：「佢當時好緊張、好擔心，佢個心想飛過去，但綵排緊演出又過唔到去。後來佢太太有打嚟同佢報平安，佢都要為個仔安排醫院、學校嘅嘢，我哋都好擔心佢，今次亦見到佢柔情一面。」她又大讚秋生專業，完全沒受事件影響工作情緒。
名模馬詩慧女兒王麗嘉與上山詩鈉女兒Hilary均在美國讀書，馬詩慧說：「揸車喺嗰邊好普遍，又唔會唔畀，但一定唔可以飲酒揸車。」而上山詩鈉表示美國揸車好危險：「好彩個女冇車牌，亦唔會畀佢考住，之前講咗唔可以喺當地揸車。」為人父親的苗僑偉則稱不能擔心太多：「就算喺香港都會有意外，其實交通安全就由細講到大，有時唔係你撞人，係人哋撞你！」
