- on.cc 東方互動主頁
- 3月28日 (五)
張繼聰和謝安琪（Kay）是圈中模範恩愛夫婦，周杰倫向太太昆凌施三不禁令——不能拍床戲、擁抱戲及拖手戲，昨日阿聰接受電話訪問時回應：「我同Kay都係專業藝人，我唔介意，但佢就唔太鍾意，最好唔好（拍）啦，呢啲辛苦嘢就由我嚟做啦。其實拍親熱戲辛苦過拍打戲，要就住就住，又怕拍出嚟唔自然，好有難度。」
阿聰又指Kay也曾在電影中跟黃貫中拍過床戲，他亦有到戲院睇過：「唔會直視囉。（睇時有冇酸溜溜感覺？）唔會，因為明白做戲啫，作為演員就要專業。」而他最激的一次是與好友王祖藍的太太李亞男拍親熱戲：「嗰次係拍電視劇《忠奸人》，我同亞男由開門咀到入屋，仲邊咀邊除衫添。」此外，昨日是祖藍的生日，亞男在微博祝老公生日快樂及拍片唱歌慶生！至於祖藍可會介意亞男與男演員拍纏綿鏡頭？祖藍以短訊回覆表示，會視乎劇本是否有實際需要。
而昨日張繼聰、唐寧及導演葉念琛為電影《紀念日》謝票，影片票房已達1,500萬港元，若衝到1,800萬港元就考慮再慶功。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
