張繼聰入豬仔錢罌老婆管數

藝人張繼聰（Louis）和港姐陳凱琳（Grace）於昨日元旦日，以「好運之星」身份出席在沙田馬場舉辦的「好運1月1賽馬日」活動，Louis開心表示自己於2015年非常好運，超額完成多項工作，而且成績不俗，問到是否賺到盆滿缽滿？他透露未作數目統計：「未知，我係小朋友，入晒落豬仔錢罌，冇問過老婆（謝安琪），交晒畀老婆管數，同埋會計就負責睇交稅，（咁交稅要交多啲？）啱啱先交咗上年嘅稅，愈交愈多稅。」

2016想生馬騮仔

談及新一年有何目標，Louis表示會專注在電視劇及電影方面發展，希望可與不同拍攝班底合作，其後又謂下月踏入猴年，自己很喜歡小朋友，揚言看看可否有機會生一隻「馬騮仔」，而他前晚現身除夕倒數活動時，已率先寄望可於2016年有好消息帶給大家。另外，他昨日亦有轉戰大型商場夥拍魔術師甄澤權與市民慶元旦，還即席獻唱及與現場觀眾大玩selfie。

張繼聰與陳凱琳是名副其實的「好運之星」。

洪金寶亦到馬場玩樂。

陳凱琳調養身體

同樣身處馬場的Grace，表示自2013年參選港姐後第二次來到馬場，坦言自己沒有賭運，故平時不會賭博：「不過過年同朋友玩魚蝦蟹，都覺得幾輕鬆。」續透露2016年願望和目標：「2015年好搏殺做嘢，希望今年繼續努力，但重要係身體健康，因為之前唔識調校時間休息，搞到身體唔好。」

此外，影星洪金寶亦與數位友人一同現身馬場，問到身為馬主的他有否馬匹出賽？他即指着身後的朋友笑言：「喺晒後面啦！」

文：名人組