陳凱琳獲嘉穎教路靚聲突圍

藝人黃心穎、陳凱琳、黃芷晴、洪卓立、吳業坤、羅鈞滿、陳婉衡（Alycia）、陳芷尤及組合BOP天堂鳥、少女標本前晚到上水廣場出席倒數活動《閃爍華麗倒數迎2016》，吸引數百市民圍觀，場面熱鬧！

幾位女藝人穿上低胸晚裝行catwalk鬥Big爆身材，身形瘦削的Grace被比下去，但她獻唱《我的驕傲》，唱功不俗獲全場掌聲！Grace直言事前獲男友鄭嘉穎給予意見：「佢都係歌手，叫我放膽啲，唔好怕醜。（教你？）有幫我執咬字。」她表示倒數後返家休息，不會約嘉穎慶祝。

單身的黃心穎希望有個man爆的男友。	陳凱琳表示不介意被指整容，在場獻聲的她更透露獲男友鼓勵。	新鴻基地產代理租務部助理總經理（推廣）劉文豪、新鴻基地產代理租務部助理總經理廖慧慈及上水廣場高級物業及設施經理談國雄，與眾星合照，場面墟冚！

大方否認整容

提到日前與嘉穎出席胡杏兒婚宴，與嘉穎舊愛周麗淇同場，Grace承認未有打招呼：「現場太多人，好多人都見唔到。（尷尬？）冇，如果見到會打招呼。（你幾時結婚？）慢慢，冇諗呢樣，去婚宴係戥人開心。」對於被指面頰變多肉鼻子變尖，更有網友指她像《恐懼鬥室》的木偶Saw，Grace大方說：「我冇整容，話我整容即係話我靚咗。（似木偶喎！）佢個鼻同面頰好高好靚呀，我冇介意。」

曾表示要年儲百萬置業的心穎表示新年大計是「狂做」！她笑說：「以前set好多目標，但過一排就唔記得，依家最重要開心，有工作就做！（恨拍拖？）見到Grace拍拖好Sweet，我戥人開心，如果我第時有都會同大家講。（擇偶條件？）哈哈！man啲。」

芷晴專注工作

回復單身的芷晴表示出席倒數活動心情興奮，問是否心急拍拖？她笑言父親黃日華及母親梁潔華比她更急：「佢哋知我開Party，都八卦問有冇男仔，但我想專注工作先。」兩位「新咪神」Alycia及芷尤表示近期開始拍戲，希望有更多機會，問身材是否想再進步？Alycia笑說：「驚腰骨痛呀！」芷尤則說：「想練多啲肌肉，該瘦嘅地方就瘦。」

文：影視組