方力申鄧麗欣上演嗌交真人騷

方力申（小方）與鄧麗欣（Stephy）、盛朗熙和導演葉念琛前晚出席「奧海城 我們的《紀念日》2016除夕倒數派對」。由於小方和Stephy由銀幕情侶變成真情侶，Stephy稱十年前二人並不熟，現時就有默契，笑說生活因而「冇咩溝通」。小方則謂拍攝第一部電影時未拍拖，第二、三部就搞地下情，今次電影則已公開戀情，他說：「啲人以為係真人騷，睇吓現實我哋係咪咁嗌交！」

二人合體的工作酬勞是否更高？小方謂：「今次冇問，唔知。」Stephy則謂當電影宣傳，更透露由這個月起便要跑10多場謝票活動。提到Stephy想到冰島旅行，問兩人是否想去當地度蜜月？Stephy謂：「旅行啫。」小方則面有難色，被問是否沒想過？他笑說：「唔係，我緊張啫！」談到送甚麼新年禮物給對方？Stephy謂：「新年都要送？諗唔到送咩喎！」小方則被問會否在新年送戒指？他則謂：「送先講啦！」

盛朗熙險講粗口

同場的盛朗熙透露今次是入行後首次在工作中度除夕，來自上海的她謂沒甚麼朋友及親戚在港，故工作中度過也不錯。會否考慮玩幾日？她謂：「應該唔會，呢幾日忙謝票，新年就會返上海同屋企人過。（向佢哋請教廣東話？）方力申有教，有啲台詞讀唔到佢好細心咁同我對。（有笑話？）初初講唔到牛肉同自己個名，差啲變粗口。」

文：影視組