陳庭欣冒寒「小腰精」苟姑娘亂搶瘋頭
無綫藝人陳庭欣昨日無懼嚴寒，以露腰「戰鬥格」配襯卅多部名車拍節目片頭，成為全場焦點，輕鬆揮低打扮密實的苟芸慧，還說：「咁着先有人睇、有人理！」苟芸慧卻輕描淡寫回敬：「大家嘅Focus完全喺車度。」
昨日入冬以來最低溫，陳庭欣（Toby）僅以露臍小背心配黑皮褸上陣，與主持苟芸慧（苟姑娘）、江美儀、吳家樂等在户外拍攝無綫J5新節目《夢想車華》片頭，苟姑娘包到冚睇頭欠奉，相比大騷小蠻腰的Toby，認真輸蝕！
自認更瘋更狂野
由於無綫安排了卅五部總值逾四千萬的名車在場，營造香車美人場面，苟姑娘面對Toby搶風頭笑謂：「我比佢更瘋，我個頭好亂，但自然又有狂野一面，相信大家嘅Focus（焦點）完全喺車度。」Toby則指每年到澳門睇莊思敏賽車，笑稱吸收經驗後才悉心打扮：「我發現咁着先有人睇、有人理。（想落場比賽？）好有興趣呀，我都有天分，我係聽聲停，所以應該都OK，遲啲可以搵莊思敏做師傅。」
問到駕駛技術是否很辣？Toby笑謂：「我人好辣，但車一啲都唔辣，我揸家庭車好安全。」又說曾獲男生以跑車接送，但否認是緋聞男友翟威廉：「佢唔識路又兜錯路，有次壞車，佢唔識開車頭蓋，仲問係咪開咗窗先開唔到個蓋。」
買車可以靠自己
近期迷上賽車的苟姑娘直言見到總值逾四千萬的名車雙眼發光，更盼努力儲錢買新車：「依家都(手禁)住自己，盡量唔會亂使錢，希望攞多啲經驗，再去揀適合自己嘅車。（想買跑車？）想呀，但都要考慮將來父母嚟香港，要方便老人家唔使屈膝頭。（現場識番個車主？）我自己都可以買車，女仔想要一樣嘢要自己爭取，唔係次次靠人哋去做。」
文：影視組