網投女配角領先朱千雪當贏咗

早前分別在星馬兩地的頒獎禮勇奪「飛躍女藝人」獎的朱千雪，最近在香港一個討論區的「最佳女配角」投票中，再獲網民支持並暫以120票領先，其次是87票的楊秀惠與80票的梁琤。對於獲網民睇好，朱千雪接受電話訪問時坦言感到喜出望外：「有咁多人支持已經當自己贏咗，女配角獎我一直覺得離我好遠。」朱千雪指在《萬千星輝頒獎典禮2015》中，女配角對手甚強，包括富有經驗的前輩如米雪、梁琤及姚子羚等：「若果拎埋呢個就真係完美喇！不過就算冇獎，我都會戥得獎者開心。獎當然係一個好大嘅鼓勵，但真係唔敢諗咁多，唔想有咁大壓力，希望可以好輕鬆咁去享受個頒獎禮。」