陳君宜變地獄教官 催谷鬥心
名媛陳君宜今年擔任珠寶小姐選舉的導師和評審，平日溫婉優雅的她，執起教鞭，變身地獄教官，為求用最短時間，鞭策出各人的鬥志，編排一天六小時地獄式訓練時間表，令個個滴汗。
曾做模特兒的陳君宜（Qinnie）今年首度擔任由香港珠寶製造業廠商會主辦的第四屆「香港珠寶小姐」競選的導師，她編排了一套獨門特訓給十位準珠寶小姐，分早午晚安排跳舞、Surfset和行Catwalk，她說：「之前上過幾堂，覺得佢哋有啲hea，所以要訓練佢哋嘅鬥志，參加得就要勤力啲，做人又好，比賽又好，冇鬥志只係嘥時間，入唔入行都好，冇鬥志就會冇心機做其他嘢。」
她對今次參賽者質素感滿意，比較初報名時，認為她們無論身材、皮膚和打扮方面已有進步，只是尚欠鬥志。
玩室內滑浪板
早上Qinnie構思一套時尚舞步給她們學習，跳足兩小時，中午吃飯休息過後，便輪到做Surfset，這是美國近年流行的室內滑浪板玩意，十位準珠寶小姐都是初次接觸，在不平穩的滑浪板上做出不同動作，45分鐘學畢，個個汗流浹背，休息半小時後，便又要趕着行Catwalk，行足兩個多小時。
模特兒佔七人
十位準珠寶小姐，(1)吳嘉琪、(4)楊舒婷、(6)陳嘉琪、(7)何麗莎、(8)顏雍容、(9)高可人和(10)許倩慧均是現職模特兒，(3)鄧玉婷是空姐，(5)何慧敏從事珠寶行業，只有(2)布晞尤是藝人出身，她稱不會有壓力：「之前拍過電影，工作都比較性感，但為咗今次參選，推咗泳衣內衣工作，覺得珠寶小姐要優美啲。（個樣同以前唔同？）因為箍咗牙，同皮膚曬黑咗，唔擔心畀人話整容，咁即係代表我靚咗。」而31歲現任空姐的鄧玉婷，全隊中年紀最大，她笑說：「年紀是數字，自己心態好young，對答會優勝啲，有應變能力。」文：名人組 場地：Surfset