盧凱彤剷走躁鬱 剃頭重生

盧凱彤前晚於九展Star Hall舉行一場「Rockmui 29 Live in HK」演唱會，吸引何韻詩、黃耀明、周國賢、方大同、藍奕邦、林一峰、林二汶及黃宇詩等捧場，當唱到《Exit Music》時，赤腳的Ellen突然跪在巨型鏡前，並取出電髮剷在數千人見證下親手將菇頭剷成Skinhead，還邊剷邊望鏡傻笑。

兩年前寫「遺作」

換上大露背衫露出背部紋身的Ellen，與樂手彈結他彈到彎腰及跪地，現場掟出十多個透明巨型氣球供歌迷拋來拋去，反應熱烈。曾患躁鬱症的Ellen有感而發說：「呢兩年喺屋企休息咗一排，思想上去咗一個好遠嘅地方，得我一個好寂寞。」接住講述個唱編排道：「前面講黑暗同枷鎖，後面係重生同光明，呢兩年經歷高低起跌，我廿七歲寫咗首歌，同自己講係最後一首作品，唔知點解當時咁有勇氣寫自己遺作，依家諗起覺得自己好傻。」Ellen並感激大家說：「相信呢個世界源自兩樣嘢，一個愛、一個恐懼，我好開心經歷咗恐懼，愛嗰Part可以同大家經歷，係我最大嘅祝福。」

盧凱彤跪在巨鏡前，以電髮剷親手將菇頭剷成Skinhead。濃密菇頭	對鏡自剷	Skinhead誕生

明年移居台灣

事後，Ellen坦言一直想剃頭：「作為一個女Rocker，點都要剃一次頭，以前好在乎別人眼光，依家已經唔在乎，最緊要自己嘅生命。」隨即解釋剃頭另一原因，她說：「我好鍾意愛爾蘭女歌手Sinead O'Connor，佢都有躁鬱症同剃頭，係想向佢致敬。」Ellen並透露明年初將移居台灣：「會過去住一、兩年，想生活節奏慢啲，不過香港有工作都會返嚟。」對於好友林嘉欣封金馬影后，Ellen興奮說：「真係好開心，叫佢請食飯。」文：音樂組

穿露背歌衫的盧凱彤露出背部紋身。	赤腳演出的盧凱彤唱到跪地。	盧凱彤透過巨型氣球與粉絲互動。