BabyJohn破咒掘金請遊澳洲
昨日出版的《好報》報道，入行僅兩年的蔡瀚億（BabyJohn），去年奪金像獎「最佳新演員」後，在經理人Fimmy協助下，工作一個接一個，極速搵到第一桶金，打破歷屆奪新人獎後在影壇無運行的「金像魔咒」！早前BabyJohn買了部價值近七位數的歐洲車給經理人，並揚言將來時間夾到會請經理人及同事去澳洲旅行，實行有福同享。
自己慳住使
對經理人出手豪爽的BabyJohn，對自己則慳住使，買了架日本潮車自用，日前他與經理人於商場傾工作，齊齊駕新車到場。傾完工作，BabyJohn去行街，但齋睇唔買，繼續慳家。
BabyJohn昨接受訪問，直言送車給Fimmy，因兩人可在車上傾公事，相當方便，對於能打破「金像魔咒」，他除感謝Fimmy，還直言全靠一班「大膽」導演：「攞獎之後諗住行喜劇路線，但好多謝一班大膽導演，肯用我嘗試唔同嘢，令我學咗好多！每次拍戲我都擔心係咪最後一次，所以都會全力以赴，希望用努力答謝賞識我嘅導演。」
文：影視組