鍾麗淇閉氣忍到底拍足3粒鐘

前藝人兼瑜伽導師鍾麗淇（Margaret）自大女Isabella半歲時確診患罕見基因病「四號染色體缺損綜合症」後，一家人樂觀及勇敢面對，Margaret更創立慈善基金，向他人雪中送炭。Margaret今年6月宣布懷二胎4個月時，獲萬人like爆，她更直言正能量爆棚，現在4歲大的女兒現在要上學又要做治療，Margaret身兼幾職。

難忘經驗

為留下美好回憶，Margaret在懷孕8個月時拍攝一輯水底相，當日她無懼紅色暴雨警告，穿上白色衫，在水中舞動，她說：「特登租個泳池，喺泳池水底，拍咗3個鐘，嗰日係紅色暴雨警告，特登將池水整暖，好辛苦，要閉氣，要呼氣先沉到落去，所以都係幾難忘經驗。」她透露攝影師是德國人，加了塊黑布，令到相片看出來似凌空的感覺。

挺着8個月大肚子的鍾麗淇，於水中拍攝，非常難忘。

鍾麗淇對大女Isabella照顧有加。

冇咁輕鬆

提到準備工夫，Margaret笑言生第二個準備工夫多過生第一個，但她享受過程：「因為隔太耐時間，囡囡都4歲幾，好多BB嘢都冇，BB衫都畀晒人，囡囡又返學好忙，基金好多嘢搞，可能冇第一個咁輕鬆，佗第一個乜都唔使做，淨係教YOGA，今次頻撲咗少少。」

文：名人組

圖：Pool Portrait & SENS studio