周海媚開戲唔預男友

藝人周海媚昨日出席旗袍活動，並出任「中國旗袍會演藝形象大使」，她透露身穿的旗袍乃四年前度身訂造：「身形冇變過，其實我選美嗰時嗰件旗袍都仲着得落。」她透露稍後自己的工作室將開拍一部關於旗袍的電影，由黎繼明擔任導演，自己出任監製。問到有甚麼演員演出？她即大賣關子，再追問會否與細她七歲的內地男友情侶檔演出？周海媚表示：「未必會，睇古仔需要。我未必所有電影都客串，要鍾意嘅角色先會演。舊年拍完《武則天》都休息咗一段時間，期間都有啲娘娘嘅角色搵我拍，不過我唔想重複相同style，想改變。」另外，無綫出身的周海媚表示做人要飲水思源，若無綫找她合作，她亦絕對會考慮。