SG膽粗粗搵祖兒撐場
出道三年多的組合Super Girls（SG）近日密鑼緊鼓為下月六日假九展舉行的首個音樂會排舞及練歌，請來著名排舞師苦練舞技，五女排舞前做拉筋熱身時已叫苦連天，搞到排舞師開口說：「唔好嘈，保持深呼吸。」跳到滿頭大汗的SG坦言極度緊張及擔心，原因是想給歌迷新鮮感，將所有歌曲重新改編，一口氣跳唱多首歌曲。
Aka請偶像淆底
問到會否邀請男友睇騷？醒目的Cheronna即說：「我哋嘅男友咪爸爸囉，我哋都冇感情線嘅。」由於Aka被傳與伍允龍撻着，問到時會否請對方捧場？Aka說：「我哋Super Girls一齊誠邀師傅（伍允龍）出席啦。」隨即嬌嗲說：「我諗住請容祖兒嚟，不過『淆底』。」其餘四姊妹即說：「問吓啦，唔嚟係正常，嚟係Bouns。」Aka表示會攞出勇氣嘗試。
祈禱唔好再病
由於SG屆時有Solo表演，故她們近日各自秘密練兵，Jessica說：「好緊張，尤其Solo嗰Part。」經常病倒的Yanny問到擔不擔心到時又患病？她說：「都驚，冇嘢啩，希望上帝祝福。」Heidi笑言會逼對方早睡早起及均衡飲食，保持好狀態。
文：音樂組