曹敏莉屢敗屢戰5度闖關
前港姐冠軍曹敏莉（Mandy）原來前後五度挑戰考車牌才成功合格，昨日Mandy分享屢敗屢戰的考牌經驗時說：「前後考咗五次，喺美國考咗三次，再喺香港考兩次先合格。喺美國考牌制度同香港唔同，冇得跟教練去學，都係朋友教，可能朋友冇教到啲要訣畀我啦，咪『肥佬』囉，後來返嚟香港需要用車，先的起心肝再去學，都練咗兩、三個月，考咗兩次先成功。」
談到「十優狀元」出身的師妹麥明詩，考車牌也要考四次才成功，Mandy勉勵對方說：「考到咪得囉，考幾次唔重要！」Mandy更表示麥明詩參選時已很欣賞其表現，是她心中的冠軍，又說期待能與麥明詩在港姐的慧妍雅集中見面。