胡楓：唔搵謝賢冇所謂
藝人胡楓、曾江及Joe Junior昨日於將軍澳，「三缺一」出席無綫節目《4個小生去旅行》祝捷會。期間曾江感慨表示旅程最開心與小生們過癮互窒：「我覺得我哋好開心，大家冇顧忌窒對方！」而日前被封「專業收音員」的Joe Junior受訪時扭計拒揸咪，要由胡楓代拿。問到謝賢缺席原因？胡楓醒目「召喚」監製擋駕：「監製，老四點解唔嚟呀！（度唔到期！）佢唔喺香港啩？（你搵過謝賢？）聽人講咋！」談到若謝賢到場，眾人會否更開心？胡楓說：「當然多個人開心啲！」
有其他人選想邀請
談到若開拍續集想去何地拍攝？曾江就「玩嘢」謂：「去灣仔！（去遠啲？）西貢囉！用電動輪椅就唔使人推！」愛看功夫的Joe Junior稱想到訪內地少林寺。
記者再追問曾江有否聯絡謝賢？他稱對方沒聯絡自己。談及他們會否找來謝賢原班人馬拍續集？胡楓就開玩笑表示「唔搵都冇所謂」：「監製搵唔搵老四呀？唔搵都冇所謂（口架）。（監製話謝賢淨係畀面你？）都有好多小生想邀請，例如呂奇、周驄、張英才、譚炳文同朱江。」
其後本報記者以電話訪問謝賢，問他有否興趣齊人拍續集？目前在港但無暇現身的謝賢說：「好吖，我得閒咪去！（曾江話最開心同大家互窒？）唔好提（佢）喇！」文：影視組