伊藤惠美 乖巧股后

大得夠誇

日本水着界雖然充斥住無數咁多巨乳女優，但係日本人嘅眼光相當廣闊，唔一定只會欣賞巨乳，美貌吸引嘅，又或者對長腿誘人嘅女優亦一樣會支持，當然擁有一個飽滿圓潤嘅極品美臀就一定啱胃口啦。近年有美尻女王之稱嘅秋山莉奈淡出，以又靚又大嘅臀部而聞名嘅女優就有倉持由香。然而，由香嗰個接近40吋嘅大屁股雖然係大而吸引，但係阿妹雙眼死氣沉沉，則唔係太多人接受，幸好我哋仲有新一代股后伊藤惠美。今年31歲嘅惠美氣質青春美麗，甜美可人嘅面孔加埋燦爛笑容真係好誘人。雖然阿妹上圍只得C奶，但係其優質股唔單只夠大仲夠圓，且腰肢纖幼，拍寫真嘅時候惠美仲會特別屈起雙腿坐低，令其美臀顯得更大更誇張，股迷一定愛死佢。

多才多藝

伊藤惠美出道拍寫真以來，都係靠甜美嘅笑容以及突出嘅圓潤靚股而吸引廣大水着迷注意。除咗拍寫真，惠美因為個樣夠靚兼上鏡，成功爭取到拍攝電視劇如《八重之櫻》等嘅機會，電影方面嘅演出亦有《Killer Motel》以及《Ring a Bell》等等，喺眾多現役水着妹當中可謂發展得相當唔錯嘅其中一位。另外，惠美仲漸漸向歌唱界發展，現時係樂隊GRILLED FISH LUNCH嘅成員，仲為樂隊作曲兼填詞。阿妹除咗有音樂才華，仲多才多藝，擁有嘅專業資格包括日本漢字能力審定二級合格、插花嘅池坊准副教授三級華匡證明、C級潛水證等等外，曾經喺西雅圖留學兩年嘅惠美仲講得一口流利英語。惠美咁叻女又咁靚女娶到佢做老婆就好喇，事實的確係咁，惠美表示自己性格乖巧又聽話，為咗滿足男友佢乜都會服從，唔信可以睇佢嘅最新寫真DVD《從順令孃》以及將於本月上演嘅舞台劇《MEIDO IN HEAVEN》喎！

個人博客

伊藤惠美雖然近期忙於綵排舞台劇，但係亦不忘抽時間去吃喝玩樂放鬆一下，想知道阿妹最近又去咗邊一處飲飲食食，可以Click上佢個博客。

網址：http://ameblo.jp/ito-emi/

伊藤惠美Profile

年齡：31歲

身高：5呎2吋

三圍：32C-22-33

撰文：賢