陳妍希飄逸清新
早前在上海舉行的「第17屆2015華鼎獎中國百強電視劇滿意度調查發布盛典」上，陳妍希、陳喬恩、趙雅芝、李治廷等獲獎的男神女神均盛裝出席，趁機大晒時尚觸覺及衣着品味！而G-Dragon女友水原希子在日本出席首映禮時以超deep V上陣，中日紅地氈上同樣注目。名模陳嘉容就大讚趙雅芝雍容華貴、優雅動人，陳妍希氣質飄逸有女神feel。「上身OK，但鞋同褲嘅長度着到佢身長腳短，雖然歐洲男仔流行七分褲襯loafers，但唔好盲目跟潮流，對腳冇咁長就唔應該自暴其短，鞋衫顏色唔襯，有啲格格不入。」
陳喬恩公主駕到
「造型好公主同埋好女性化，有溫柔婉約少女feel，髮型化妝都好襯，睇得出有花過心思。雖然條裙好多ruffles好多details，加番啲簡單款式嘅accessories會更加靚。」
趙雅芝美艷動人
「保持一貫優雅高貴，大方得體、美艷動人，由頭到腳都係咁雍容華貴，佢咁嘅年紀真係keep得好好，條裙盡顯玲瓏浮凸身形，食咗防腐劑咁，靚到暈。」
水原希子時尚性感
「好fashionable，條裙好有型又好性感，散發出女性美態，佢髮型化妝都好簡單，但襯個紅唇就變得好突出，感覺好有時尚魅力。」
李治廷風度翩翩
「佢有番咁上下高度，身形又操得好fit好靚，呢套tuxedo完全難唔倒佢，着出風度翩翩嘅感覺，盡顯紳士嘅一面，身形比例都好靚。」
唐嫣淡然無光
「一身打扮冇乜時尚感，唔特別亦唔突出，如果加番啲誇張款式嘅accessories襯條黑裙，會sharp啲，依家顯得淡然無光。」
吳卓羲身長腳短
「上身OK，但鞋同褲嘅長度着到佢身長腳短，雖然歐洲男仔流行七分褲襯loafers，但唔好盲目跟潮流，對腳冇咁長就唔應該自暴其短，鞋衫顏色唔襯，有啲格格不入。」
Profile
香港著名模特兒陳嘉容（Eunis），曾為各大國際品牌行時裝騷，在時裝界打滾多年，不論時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。