Janice Wong處女作求知音人
著名時尚作家王麗儀（Janice Wong）日前出席國際設計家品展開幕禮，她更首次設計了一件特別版Alessi Juicy Salif女王範檸檬榨汁器，將60枚私人珍藏的世界各地古董錢幣，包括已消失的法郎、里拉、荷蘭盾等逐一併貼而成。講到這件藝術品，Janice透露：「呢個榨汁器係好難製作，因為錢幣難以併貼於金屬上，我冇燒焊器，只能靠强力膠，好易脫落，甩咗又要再黏貼然後待乾，搞到滿手都係強力膠，用咗一星期先能完成。」
Janice表示今次的藝術品會在稍後再展出，又會舉辦慈善拍賣，為香港創意產業籌款，Janice坦言希望遇到知音人可以當藝術品收藏。