Hilary緊張行騷 男友(目及)住
首次行天橋的星二代上山詩鈉女兒Hilary，獲男友Raf及母親撐場，揚言因沒有媽咪的豐滿上圍，故不會性感行騷；而懷孕6個半月的Ana R.着高跟鞋行騷，依然淡定。
腹大便便的名模Ana R.與星二代Hilary 、湛琪清等為何國鉦2016婚紗系列行騷，同場有陳嘉桓、何倍倩、陳法蓉、伍詠薇等。上山詩鈉與女兒Hilary的中東籍男友Raf出席撐場，Hilary受訪時由Raf陪伴，首次行騷的Hilary表示獲拍拖年多的男友支持：「第一次行騷緊張。（媽咪有冇教你？）佢唔係行騷，有叫我relax，但好難。（男朋友喺度會好啲？）仲大壓力。」問Raf覺得Hilary衣着如何？他表示超靚。問到Hilary是否預演婚禮？她直言不是。此時上山詩鈉拉走Raf，何國鉦笑言不要嚇親Raf，為Raf解圍。Hilary表示媽咪好錫男友亦好放心，問到是否結婚對象？她表示：「冇諗，佢對我好好。」提到行騷會否性感？她表示不算性感，笑言媽咪有時好性感，但自己沒有遺傳媽咪豐滿上圍。
自然分娩餵人奶
而懷孕6個半月的Ana，着上高跟鞋，腹大便便行騷，完全冇難度，她透露增了12磅：「BB好健康，係女仔，手長腳長，遺傳咗模特兒基因。老公頭髮淺灰色，BB會係得意混血BB 。」問到有沒有妊娠不適？她表示沒有，自己亦有做運動，而且有上育嬰班：「本月25日會去英國掃BB用品，因為有得退稅，BB嘢好貴。9月10日回港，啱啱去完越南baby-moon，有咗BB就唔同，係第二次honeymoon。」她透露會自然分娩，選擇餵人奶：「餵到幾耐就幾耐，因為媽咪唔能夠餵人奶，所以我會嘗試。」
陳嘉桓細佬當仔
陳嘉桓谷胸到場，透露剛於沖繩拍攝旅遊節目，近日忙於幫媽媽湊弟弟，她笑說：「佢好老積，識得笑，我抱佢嗰陣時有人笑我話係我個BB。（咁幾時到你生？）未咁快，搵到個伴先啦！」
文：名人組