譚詠麟同謝賢生死之交 點都撐！
早前謝賢在無綫節目《4個小生去旅行》的活動上怒摑曾江，究竟是一時火遮眼還是一場大龍鳳，依然未有真正答案，但節目《4》的確大收宣傳效用收視報捷。事件主角謝賢昨日到銅鑼灣出席拉麵店開幕時雖然未應記者要求受訪，不過同場的譚詠麟（校長）就有感而發，直指謝賢「真情流露」，說：「見佢口窒窒修哥（胡楓）上身咁！不過唔理佢喺任何情況，我都係撐四哥（謝賢），我哋係生死之交。」原來校長多年前與謝賢同遊加拿大滑雪時迷路險墮懸崖共過患難，交情深厚，校長更稱自己認識的謝賢不會發脾氣，說：「事出必有因，我呢啲做細嘅不必問咁多，難得我可以講呢句！」
Joe Junior常被鬧
而前晚在將軍澳電視城錄影無綫節目《Sunday靚聲王》的Joe Junior，至今仍希望當日謝賢怒摑曾江一事並非真實，更直認自己參與《4》節目拍攝時常因插嘴而被謝賢責罵，笑謂：「一講錯嘢四哥就會話『你一係唔出聲，一出聲就講廢話』，佢哋就會哈哈笑。」為慶祝來年70大壽，Joe Junior希望下年9月可以再辦演唱會，惟笑稱請不起謝賢做嘉賓：「第一係貴，第二係貴人事忙，或者佢會畀個驚喜我自己走嚟睇我呢，咁我就捉佢出嚟唔使畀錢。（請曾江？）三個哥哥都好錫我嘅！」而與Joe Junior同場的苗可秀則表示希望再拍電影，笑稱爆粗亦可接受，更即場反問記者：「想唔想聽兩句？」
文：影視組
