劉浩龍讚容媽冇要求:相處OK!

正所謂「手掌又係肉,手背又係肉」,近年愛得高調的祖兒首度談及母親對男友劉浩龍的不滿,坦言夾在最愛的兩個人中很辛苦。劉浩龍解釋每個父母都緊張仔女,雖然他沒有正面回答是否得不到容媽媽歡心,但就強調大家相處OK。

天后容祖兒與拍拖三年的劉浩龍(師兄)一直被外界指女尊男卑,不過兩人懶理旁人目光,愈愛愈高調。原來恩愛背後,祖兒媽媽一直對師兄有微言!祖兒日前接受內地電視台訪問時首度公開談及母親與師兄的關係,坦言有時夾在中間很辛苦,更直言:「我覺得很多媽媽都覺得自己女兒可以找到更好的。」

「冇發生過啲咩事」

師兄前晚與經理人黃柏高(Paco)現身灣仔火鍋店慶祝生日,對於祖兒在節目中大呻他達不到媽媽的標準,師兄謂:「每個父母都緊張自己嘅仔女,但大家一直都有相處,亦都相處得OK嘅。」問他是否難以得到容媽媽的歡心?師兄表示容媽媽其實沒太多要求。對於祖兒讚他有責任心和忠誠,他笑言:「都係嘅。(有咩原因?)其實有時做節目一定會有啲答案,呢啲答案都係個交代嚟嘅啫,冇話發生過啲咩事嘅。」

Paco力捧師兄上位

Paco帶了一支30年的酒為師兄慶祝,問可有送生日禮物?他笑言要為今年新加盟太陽娛樂的師兄開創全新的事業:「嚟緊公司好多計劃喺師兄身上,喺電影同音樂上都會有新發展。」因合作《燈塔下的戀人》而與師兄變得熟絡的劉心悠則攜蛋糕低調現身。

另外,祖兒有份參與的內地節目《報告!教練》昨晚播出最新一集,一眾藝人化身成足球員在球場一決勝負。李治廷抽射時誤中祖兒背部,大方的祖兒沒怪對方之餘更笑說:「我的駝背都被治好了。」

文:音樂組