巨肚湯盈盈撩范姜密斟

懷有第二胎的湯盈盈，昨日下午5時多撇甩老公錢嘉樂及女兒，挺着巨肚獨自出巡銅鑼灣，她專攻超市，並挑選不少有益的蔬菜生果，隨即行去結帳，期間碰上鍾鎮濤太太范姜，兩個女人相遇即時雞啄唔斷，站在店內傾了一陣。
腹大便便的湯盈盈強調沒拿重物。
腹大便便的湯盈盈強調沒拿重物。

掃完貨後的湯盈盈推着購物車直往停車場，期間她笑着向記者表示：「我冇拎重嘢呀！（幾時生得？）仲有個幾月。」講完便取車走人，至於范姜則會合數名小朋友，各自拿着數袋戰利品，於商場外等司機前來接載。

湯盈盈偶遇范姜（左）即雞啄唔斷。
  • 湯盈盈偶遇范姜（左）即雞啄唔斷。