「綁架咗你個仔」小齊爆老父還價

近日忙於電影宣傳的任賢齊透露約半年前，其父亦試過接獲恐嚇電話：「有人打嚟話綁架咗佢（任父）個仔，我阿爸緊張起嚟，即刻問係唔係小齊，對方梗係話係啦，跟手話要50萬台幣贖金，佢還價30萬。呢刻我阿媽醒目嘞，決定打我手提電話，阿爸就鬧佢，怕驚動綁匪喎。我聽到之後覺得好心痛，搞到老人家咁，但平復心情之後忍唔住同阿爸講：『你個仔係歌星，50萬會唔會少咗啲呢？好冇面喎，叫5000萬就差唔多，同埋點解嗰刻仲要講價呢？』」