城大校花陳寶儀自建貪錢路

「城大校花」陳寶儀（Charlie）自小立志要做工程師，目標是在建樓當中尋找成功感！擁有高學歷的Charlie直言無懼被標籤做o靚模，就算貪錢都要貪得有道！

現為跳唱組合FFx師妹、24歲的陳寶儀（Charlie）自中四開始入行做Model，周末課餘時間就會拍照為青春留下倩影，當時只有16歲的Charlie更定下要做土木工程師的人生目標：「由中四、五已開始想大學修讀土木工程，因為起樓係件好有成功感嘅事，當你參與一個Project，就算做嘅嘢係幾咁微不足道，但最後因為我計啱數，而令建築物可以安全畀人喺上面行，已經好滿足。」

謝絕「潛規則」

雖然Charlie目標明確，但當Model也遭家人反對過：「當時屋企人好反對我做Model，就係因為咁我連讀書都變得散漫，高考考得唔好，要DSE（中學文憑試）重讀，好彩大個啲屋企人就了解到我唔會做『潛規則』嘅嘢，反而開始支持我。」講到o靚模界中「潛規則」的傳聞可有令她卻步？口直心快的Charlie直言：「可能好多人都會覺得o靚模會同有錢佬『賣青春』，人哋點睇我唔重要，我都會認貪錢，我讀土木工程都係因為前景好，但我做嘢用自己能力，唔會被標籤。」